El Grupu

18056003_1670540452971215_8638947146907215427_o

La idea de Spanta la Xente ñaz onde ñacen toles grandes idees d’esti mundu, dempués d’una bona fartura y unos culinos de sidra. Un grupu d’amigos con un mesmu interés de mancomún deciden xuntase pa facer lo que más yos presta. Al son de los primeros acordes yá empiecen a pensar en nueves incorporaciones que dean un pocu más de vida a la formación. Spanta la Xente un grupu musical pero tamién un grupu d’amigos qu’intenten tresmitir al so públicu les ganes , la ilusión y l’amistá que los xunió y qu´ a día de güei fai qu’esti proyeutu tire p’alantre. Hai quien diz que tienen un estilu más cercanu al folk, otros que al rock y otros dicen que “suena a una copia de daqué”. Spanta la Xente suena a folk, rock, pop, reagge, ska ensin escaecer tampoco lo tradicional. Ye un proyeutu abiertu nel que cada miembru vien d’un estilu de música distinta, notable al escuchar los sos cantares. Los sos cancios lleven márques del folk y´l rock, con lletres escrites n’asturianu y que tomen hestories de la minería, de les cuenques mineres o de mitoloxía, ente otres. Un estilu que pue gustar o non, pero que nun dexa indiferente al que lo escucha.

En 2008 saquen a la vienta la so primer maqueta con cinco canciones. En solo una selmana vienden 400 copies y en menos d’un mes 800. Ye l’antoxana de lo que sedría’l so primer trabayu discográficu.

En 2009 apaecíen na escena musical col so primer discu d’estudiu, ‘Fíos d’esta tierra’, un trabayu apináu d’aire asturiano al más puru estilu de la banda y trescaláu de reivindicación, especialmente, cola tema de la situación de la minería.

Grabau en “La Factoría” ye un discu nel que se demuestra qu’a pesar de ser un grupu de xente nuevo, tien un gran maduror musical. Apadrinádos por Chus Pedro (Nuberu), superen les 2500 copies vendíes del so primer discu, con actuaciones en deyes fiestes y festivales más representativos de la música asturiana. Cola tema incluyida nesti discu llamáu “Letavia” recibiríen el premiu de la Música Asturiana (AMAS) al meyor cantar folk amás de ser finalistes nomaos a los premios de la música a nivel nacional pola academia, col cantar “Canciu’l Mineru” na categoría de ‘Meyor cantar n’asturianu’.

IMG-20180908-WA0017

En 2011 nuevu discu, ‘Alienda’, qu´entama con una intro siguida del tema ‘Nos fondos hai carbón’. Esta vegada, había más coses de les que falar y, una de les más importantes y cercanes pal grupu yera l’asuntu la Variante de Payares, que afectó principalmente al Conceyu L.lena. Con éses ,los temes 5 y 6 d’esti nuevu discu falen fondamente de dichu asuntu, reivindicando la situación que se ta viviendo nel Conceyu, que lleva años sufriendo “la masacre” de la maquinaria que yá destruyó valles y´l paisaxe asturiano por dichu proyeutu. ‘La Variante I: <>’ y ‘La Variante II: <>’ son los dos temes enllazaos que traten l’asuntu.

11 temes ente los cualos podemos atopar dellos más averaos al folk, como ye’l casu del cantar yá nomáu enantes, ‘Nos fondos hai carbón’ o ‘El Sonl.laín’; y otros más roqueros como´l primer tema sobre La Variante o ‘Güestia’. Esti últimu cantar fala sobre unu de los mitos asturianos más relevantes, la Güestia, una procesión d’almes en pena qu’apaez na escuridá  les nueches ,armaos con güesos encesos a manera de cirios y vistíos con sudarios blancos.

Spanta la Xente entá teníen más asuntos nel tinteru p’afigurar nesti nuevu trabayu: el discutiniu que produció’l deséu del pueblu lleonés Villanueva de la Tercia por pasar a formar parte d’Asturies o un homenaxe a la música asturiana. Con ‘Ska-zurru’ y la collaboración d’Imanol (TrueQuedart), el grupu cunta la hestoria de Villanueva y´l so pidimientu de ser un pueblu asturianu en sintiéndose “marxináu” pol so conceyu al traviés d’un canciu ska. Zarrando’l discu suena ‘Sones: <>’, un tema qu’homenaxa la música nacida n´Asturies al traviés d’una lletra na cual, de manera maxistral, enllazar les llínees al traviés de la introducción de referencies a grupos como’l tamién l.lenizu La Col.la Propinde, Nuberu o Skama la Rede; amás, dichu cantar pide que se siga potenciando la esitosa agua de bandes que caltienen viva la cultura y la llingua de la nación asturiana.

Nel 2015 sal a la vienta ‘l so tercer trabayu discográficu REVOLUCIONANDO,  puede apreciase nel un gran maduror musical y unos tintes que lu averen mas al rock en sin dexar de llau lo tradicional. 

INTEGRANTES

Tinto – Voz

                  12994503_1018884871481863_7605878403835183737_n

 Rami  – Guitarres

rami

 

 Xulio – Teclaos y coros

12324548103_666957dba5_o

Saúl – Gaita y xiblates

12079472_1704961589737663_6384534021522234387_n

 Natalia – Vigulín

IMG_20130104_012853

Torre – Bax

         13010787_1018884488148568_4867754488195625007_n

 Julio Guitarra

cof

                           

 Xuán – Batería

                   11802715_1704961493071006_9000059256660216594_o

 

 

 

 

 

 

 

 

 

 

 

 

 

 

 

 

 

 

 

 

 

 

 

A %d blogueros les gusta esto:
search previous next tag category expand menu location phone mail time cart zoom edit close